外圍利好，昨日港股挾升，並突破50日平均線，全日27隻熊證被打靶，其中24隻是恒指熊證。截至上周五，牛證總街貨17.57億份，單日減少8,438萬份，熊證街貨由原先的27億份以上，急降近9億份至17.1億份，重貨區街貨9.28億份雖少過牛證密集區街貨11.8億份，但收回區非常貼價，結果大戶再挾，即時迫令約5億份街貨被收。
身邊有識之士品評歐元國透過救市基金，直接注資銀行的做法，認為總算搔着癢處，全球央行放水停不了，下半年商品價格不要睇得過淡，股市就續炒波幅。
內地六月份PMI麻麻，但市傳短期內會減存款準備金率，A股氣氛唔差，不排除大市可以挾多一下，能否成事，就視乎預期會否落空，若然只是一廂情願的諗法，淡友肯定乘機發難，累升咁多都係時候做吓回調，近排轉向炒市的股友，最好有兩手準備。
近幾日市場情緒咁正面，窩輪平均引伸波幅都有所收窄，一班輪民惟有捱價。唔想睇住價縮，可以轉玩牛熊，恒指升穿六月中的19,578點高位，即使成交唔算好配合，亦有機會先試二萬點阻力，有信心「小試牛刀」，可留意街貨量唔多的恒指花旗牛（63765），今年十二月二十八日到期，收回點數18,800點，槓桿比率17倍。
Handsome哥