非執董自稱小股東
公司公關一早同絲絲講，管理層唔打算見傳媒，主席及行政總裁戴永革亦都無嚟到開會，不過大家都依然想同其他管理層打個招呼。有小股東開完會同絲絲講，佢哋都趁機會問好多關注嘅問題，包括派息，同埋近期公司旗下無錫招商城向現有商戶一次過收取未來20年租金嘅傳聞，但管理層都冇乜點答，至於股價偏低嘅問題，管理層就話唔關佢哋事喎！
股東會開咗個半鐘，但就係唔見管理層出嚟，原來佢哋已經喺酒店嘅「秘密通道」走咗，就連明明係公司非執董嘅人，都話自己只係小股東，唔多了解公司咁話，睇嚟大家嘅疑問唔知要等到幾時先可以解開喇！