畀一代美國NBA巨星米高佐敦（Michael Jordan）控告侵權嘅內地體育大眾品牌、準A股上市，公司喬丹體育最近終於認低威，宣布已經註銷咗喬丹（喬丹係米高佐敦嘅大陸譯音）同埋佢仔女姓名等可能被誤解嘅商標。Jordan對呢個結果當然表示歡迎，不過就好想知，「喬丹體育」到底幾時可以停止埋對佢姓名權嘅侵犯嫌疑。
其實內地「山寨」成風，盜版侵權官司都令人目不暇給，但係好直接用名人個名做生意之餘，註冊埋佢嘅球衣號碼「23」，連人哋兩個仔女嘅名都唔放過，仲可以將盤生意搞大到準備上市嘅，都算係少有。
喬丹體育嘅聲明強調，呢啲可能被誤解嘅「防禦性商標」，從來都冇使用過，仲喺二月上海人民法院正式受理呢單侵權官司之前已經被申請註銷，不過，呢啲係好有爭議性嘅商標，公司承認訴訟已經影響到佢哋嘅上市進程同整體發展計劃，依家仲要積極準備應訊，如果輸咗隨時要賠償，對佢哋公司都咪話唔傷！
余詩韻