胡總訪港，當然要多點留神國企股啦，大家話係咪？國企股入面，領軍板塊多數係金融，皆因金融對國家政策最為敏感。
平安保險（02318）是中國數一數二的保險公司，多年來一直提供多元化金融服務及產品。平保清晰認定「客戶體驗至上」這個至理，不斷優化客戶獲得的服務質素。集團近幾年不斷強調自身的專業，利用這種專業與各種不同金融服務融合，透過多個金融機構協作，實現「一站式」服務。「一站式服務」嘅優點當然就係「簡單快捷方便」！
集團保險業務持續快速健康發展，不斷壯大嘅壽險業務同埋代理人數目，令其在保險界入面割據一方。平保盈利能力較高嘅個人壽險業務，成功把握祖國保險市場嘅高增長率，截至去年底止年度增長22.9%。集團愈做愈好，市場份額亦提高1.3%，於市場佔有約16.4%的份額。
平保近年積極增加銷售渠道，招兵買馬；個人壽險方面所聘用嘅人手增長7.4%。大家都知道，保險界最重視就係人才，人才就係每間公司嘅金蛋；平保成功積極吸納人手，好大原因係佢日益壯大嘅品牌，令好多優質嘅從業員都願意「泊碼頭」。
睇番數據，平保截至今年三月底止首季業績總收入為975.32億元人民幣，按年增長28.9%，淨利潤則增長4.3%達60.64億元人民幣，市盈率約20倍，息率0.8厘。繼續追蹤、出發！
香港大學電子金融服務榮譽助理教授 徐燦傑