絲絲講場：宏利打響鑼鼓慶周年

1897年在港開業

原來係宏利（00945）為咗慶祝公司成立一百二十五周年，喺聯交所主持開市儀式，由公司行政副總裁兼香港區首席行政總裁何達德，同埋訪港嘅高級行政副總裁兼首席財務總監羅德，一齊敲響大銅鑼，鑼鼓聲響徹聯交所，認真架勢。

來自加拿大嘅宏利，已經喺紐約證券交易所主持過開市儀式o架啦，聽日仲會喺另外兩個上市地點，即係多倫多同菲律賓證券交易所，依持開市儀式添。

何達德話，而家好少企業嘅歷史，可以跨越到十九至二十一世紀，而宏利喺一八九七年於香港開業，發展到目前，已經成為家喻戶曉嘅企業，喺香港仲有成1,200多個員工，5,000幾個代理人，真係同香港嘅成長息息相關o架。

之不過咁，尋日嘅一陣鑼鼓聲，似乎未能夠為港股帶來一點旺氣，皆因恒指收市仲跌咗253點。但係絲絲諗，沖喜吓點都好呀！

余詩韻