已發展國家最怕遇到樽頸位。當各國政府面對經濟增長開始放慢嘅時候，再加送一場金融危機，真係攪到佢哋頭痕兼頭痛。要突破樽頸位，King Sir都係嗰句老生常談"Think out of the box"，對於已發展國家，話唔定"Think out of the place"都有意想不到的效果。
世界銀行前副行長兼首席經濟學家林毅夫提出一個全球基礎設施計劃，富國借投資發展中國家的基礎設施，將資金輸送至發展中國家，繼而對其資本貨物產生需求，甚至可以支持世界經濟的需求，為歐洲實施改革爭取時間。
林毅夫口中的「富國」，好多係金融危機後積累落巨額公共債務，但這些國家私人部門的需求過於疲弱，令到國內缺乏好的投資項目。如果放眼發展中國家，投資當地基礎設施，回報隨時高過他們投資國內的刺激項目。
覺得林毅夫過於理想？林毅夫今年三月到訪過埃塞俄比亞，有間製鞋工廠令佢印象深刻及「深受鼓舞」。呢間工廠係中國制鞋企業喺埃塞俄比亞的投資，僱用了600名當地工人，在亞的斯亞貝巴擁有兩條生產線。
本來埃塞俄比亞勞動生產率都有中國的七成，勞動力成本亦僅為中國的兩成，只不過物流成本過高，所以埃塞俄比亞無法與中國競爭。但係這鞋企投資咗3個月，已經從當地向美國出口產品，勞動生產率達到中國水平的八成，並計劃在未來十年僱用10萬名工人，又真係幾巴閉。
這個win win雙贏的突破樽頸大法，何妨一試？
King Sir