由本地九大建築專業學會聯合主辦，2012年度優質建築大獎（QBA）各類別大獎、優異獎及入圍作品已經揭盅，據講今次有新猷，增設「優質建築卓越大獎」，邊個得獎？就係環球貿易廣場（ICC）喇！
其他主要獎項，包括香港住宅項目（多幢）優異獎，得主係天巒，香港住宅項目（單幢）優質建築大獎，就由天匯奪得。
今年度優質建築大獎主題係「卓越建設成就未來」，今屆特意新增「優質建築卓越大獎」，要求參賽項目須喺創新及建設方面取得卓越成就，是眾多嘅參賽類別中具備最佳嘅整體質素。比賽係經過十八個月嘅籌備、評審及甄選。