邢理強自問有啲偵探頭腦，平時睇戲就最鍾意估邊個係幕後BOSS （即終極主腦）。眼見全球經濟持續疲軟，刑理強就深知不容小覷背後各國政治勢力，撞正全球大選年，法希俄政局變天，中美兩國又準備換屆，全球經濟肯定仲有排亂。
中國領導層即將大換血，商業情報公司Geostrat分析師哈迪（Robert Hardy）提醒投資者要抓住政壇關鍵人物說出的每一個字，搵出投資線索，從中獲利。
國務院上月公開指定咗七個「戰略性」產業：節能環保、新一代信息技術、生物、高端裝備製造、新能源、新材料和新能源汽車，哈迪就形容為領導人親自挑戰嘅「經濟支柱」，咁即係中國嘅新寵兒，投資者要多加留意啦。
哈迪仲對中國太陽能產業充滿信心，不但會有一定數量的刺激資金，仲會有外商的資金投入，潛力好大。解釋埋背後政治因素，沙特打算發展太陽能、建設海水淡化廠，而中國就係沙特的重要供應商，不過沙特都係希望靠發展對華關係，與伊朗打交道時多中國呢一個新盟友啫。
另外，有專家預計，中央今年將會推出大約2萬億元人民幣（約3,140億美元）的經濟刺激方案，雖然中國經濟還未從出口模式轉變為本土消費需求驅動模式，但哈迪就話中國會朝這個方向轉變，建議投資者多關注服務於國內市場的中國公司。
不過，哈迪認為中國與菲律賓和日本附近島嶼的主權爭議，中國有可能從爭議海域開採資源，直接發出挑戰，或會引發海上衝突，所以投資者都要小心中美發生軍事衝突，影響世界政局的可能性。
政局風雲好睇係好睇，但睇睇「失落十年」嘅日本，首相和內閣走馬看花咁更替，本來日本經濟、企業實力都好強，金融改革、銀行危機咁多年都未搞得掂，就知道政局混亂對經濟嘅影響有幾大，聰明嘅投資者又點會唔知呢個道理？
邢理強