根據統計顥示，喺2000年到2011年適逢世界盃、奧運會、歐國盃同亞運會，呢4項大賽事舉行嘅12個月份之間，升市只係得4次，跌市就有8次咁多，即係話下跌比例係67%！而2006年嘅兩次升市仲要列入「例外」，因為當時A股喺正百年難得一見嘅大牛市裏面。
金融股多數企得穩
最近呢4年，A股已經連續4次喺大賽事月份出現下跌，相信呢個就係A股「逢大賽必跌」嘅定律由來嘞。依家全世界嘅市可以話係兵荒馬亂，而星期五歐國盃正式開戰，下個月輪到倫敦奧運會揭幕，咁A股咪短期內至少仲要跌兩鑊？
睇番過去咁多類股份嘅表現，金融股跌1.46%表現最好，有色股跌7.17%最曳，大家都係打醒十二分精神，咪輸幾多都唔知呀！