近期面書確實弱弱哋，反而騰訊（00700）又成為今年上半年堅挺股，近來較為強勢板塊都算係科技板塊。回首科技板塊，不得不提近來業績靚仔嘅金山軟件（03888）。
金山軟件經歷了一一年呢個具轉折性的一年，於四月完成西山區重組，於七月引入騰訊為戰略股東。同時間，集團於一一年已為雲端技術及移動互聯網帶來的機遇做好準備。
集團的遊戲一向喺中國十分出名，持續優化玩家體驗的策略，令業績不斷增長。現有遊戲，尤其係《劍俠情緣網絡版III》吸引咗唔少用戶，帶來豐厚的收益。集團一直有做好客戶關係管理，照顧埋現有遊戲的潛在玩家需求，成功推出數個劍俠情緣系列遊戲資料片。特別需要一提係，集團同時間積極開發網頁遊戲及手機遊戲，相信在手機遊戲市場會開出燦爛的一頁。
金軟的另一賣點，就是持續改善由雲端化技術作基底而研發的金山毒霸二○一二獵豹版以及金山衞士，優質的產品令用戶基礎獲得大幅增長。乘着移動互聯網勢頭，集團推出的金山手機衞士安卓版亦獲得良好反應。集團亦度身為客戶訂造不同的軟件設計，包括推出一鍵體檢、隱私保護、移動電話防盜等又新又實用的功能。
集團已獲得良好回報，又進一步擴展至移動安全領域，以及為公司的各項產品提供安全保證。金軟費盡心力，只要成功令內地同胞相信其質素，使用戶獲得更好的體驗，建立信心，只要大家一睇公司活躍用戶基礎數字，就會對金軟另眼相看。睇睇數據，集團今年首季純利增長30.8%，市盈率9.73倍，息率2.89厘。繼續追蹤、出發！
香港大學電子金融服務榮譽助理教授 徐燦傑