圍爐一聚，Prof. J少不得叫幾罐冰凍啤酒，做過開心快活人！金威啤酒（00124）主要業務包括投資，以及生產、分銷同銷售啤酒。公司近年提高了廣東省內嘅啤酒廠銷量，廣東省啤酒廠嘅銷售量佔整體啤酒銷售量約59%，增加2%。集團近年積極整合、優化現有嘅銷售渠道，以及更謹慎處理推廣費用，務必使其更有效益。同時間，集團積極開拓市場同銷售渠道，因應唔同地區嘅情況制定靈活銷售策略。
成績方面，公司每噸啤酒平均銷售同分銷成本減少10.2%，喺通脹日劇嘅今日，呢個功勞實在唔小。同時間，金威亦都利用經濟學原理，按市場情況調升啤酒產品售價、改善品種結構、嚴格控制成本，化解經濟面帶來嘅衝擊。
金威近年盈利能力改善咗唔少，惟環球經濟環境不穩，公司需要進行更優質嘅策略管理，妥善評估經營環境，以及尋找改善盈利能力嘅途徑以及創造新收入來源。同時間，集團亦積極評估資產運用效率同潛力，為長遠業務目標打實根基。
公司現正積極考慮其業務與資產的效能和潛力，並正與若干主要從事釀造及分銷啤酒產品的獨立第三方洽談，考慮出售啤酒業務及資產，據聞快將有結果，相信可造就雙贏方案，為自己嘅業務打出新一頁。睇番數據，集團自○九年扭虧為盈開始，繼續保持盈利，相信未來會更好景！集團息率0.39厘，繼續追蹤、出發！
香港大學電子金融服務榮譽助理教授 徐燦傑