絲絲講場：信銀請紅酒大師教投資

絲絲記得信銀國際呢啲活動連投資講座一齊搞，等班客有得歎又有錢賺。今次請到名氣同國際品酒師Robert Parker（RP）齊名嘅Michel Rolland教路，一眾高級管理層，好似國際銀行業務總監黃致遠（Roy）等都齊齊到場聽吓大師心得。

送名酒有親筆簽名

Michel Rolland依家喺12個國家超過100間酒莊做釀酒顧問，聽聞佢喺法國加盟傳統酒莊之後，酒莊嘅副牌紅酒出品，仲靚過佢加盟之前嘅正牌，所以畀人話佢點石成金，如果見到佢，可以問定佢嚟緊去邊間酒廠做顧問，買定酒花都有得賺。

今次活動信銀國際有超過30個私人銀行客，飲到Michel Rolland出品佳釀外，仲有佢親筆簽名嘅紅酒送，絲絲估佢哋肯定唔捨得飲，擺落酒窖等升值。