低碳物料加高端科技
雖然呢件「冠軍龍服」嘅廬山真面目要到六月底、七月初先正式亮相。但係據安踏介紹，今次設計團隊由十二人組成、歷時年多設計而成、期間產生二十七個設計稿兼逾一百五十多次設計修改，唔單止採用低碳環保物料，又混合先進嘅高端科技，防水之餘，更有激光沖孔技術，有效排出多餘熱量同水氣，令「龍服」邊緣更光滑。
安踏嘅品牌宣傳一向揼本，有市場揣測今次安踏贊助級別至少銷定係六億元人仔左右，可能係奧運史上贊助額最大嘅一次合作。安踏主席丁世忠早幾日，同奧運金牌得主郭晶晶及許海峰一齊出嚟宣傳。安踏將於奧運期間，喺寶潔及麥當勞嘅終端及媒體平台，展示呢套「冠軍龍服」。