可能唔係咁多人識馬曉春，但佢好巴閉o架，係二十世紀九十年代中國圍棋嘅領軍人物。馬曉春十九歲嗰陣升上九段，棋藝超凡，九五年成為內地第一個職業圍棋世界冠軍，仲曾經創下內地圍棋「名人戰」十三連霸嘅紀錄。佢做過中國圍棋隊總教練，又成立咗自己嘅圍棋道場，專門培訓擁有業餘五段水平嘅青少年。
金融投資似圍棋「對弈」
中金國際主業係金融投資，當中涉及好多「對弈」，唔知係咪呢個原因，所以睇中馬曉春喺圍棋界嘅傑出成績同貢獻，專誠搵佢做公司嘅形象大使。遲啲馬曉春就會參與廣告嘅宣傳同拍攝，又會出席中金國際嘅商業推廣活動添。其實呢個組合好有創意，成效會點呢？真係幾令人期待。