喬布斯上咗天堂之後，絲絲除咗日日攞住部iPhone，又話者睇《喬布斯傳》懷念佢之外，遲啲可以睇埋以佢為主角嘅戲，據聞電影公司已經搵咗《社交網絡》嘅編劇Aaron Sorkin擔任編劇兼導演。
套戲基本上以《喬布斯傳》呢本書為藍本，皆因內容最貼近喬布斯嘅真實經歷，新力電影公司搵Aaron做編劇，係因為佢為電影《社交網絡》擔當編劇，贏盡口碑及多個國際大獎，更勇奪奧斯卡最佳劇本，所以即使Aaron並未擔任過導演，新力都對佢首次執導充滿信心。
新力仲出埋聲明，強調呢套電影經Aaron編導後，必能將喬布斯與別不同、具吸引力嘅一面呈現出來，相信現時沒有一個荷里活嘅編劇，會比Aaron更適合將喬布斯傳奇嘅一生搬上大銀幕。
有意開拍有關喬布斯電影嘅公司又豈止一間，另一套電影《Jobs》亦即將開拍，男主角將由貌似喬布斯嘅艾斯頓古查（Aston Kutcher）（荷里活影星狄美摩亞嘅前夫）擔演，外國傳媒話佢根本唔使化妝，已十足十喬布斯真身。
余詩韻