珠江鋼管（01938）係中國最大嘅鋼管製造商，佢係最先喺中國製造直縫埋弧焊鋼管，亦有獨特能力，喺中國生產外徑最大嘅直縫埋弧焊鋼管。石油天然氣等能源項目咁賺錢，自然會將用得資金流向呢類周邊設備公司！為滿足客戶對集團嘅產品要求，集團所用原材料亦需要非常獨特。除咗提供鋼管製造服務外，集團亦可以將客戶提供嘅鋼卷、鋼板進一步加工成鋼管，幾咁犀利！同時間，集團亦會向客戶提供塗層同埋管件等等配套產品同服務。
集團嘅鋼管產品可分為直縫埋弧焊管同埋電阻焊管，可以生產到符合X80標準嘅直縫埋弧焊管，亦已取得挪威船級社（「DNV」）同埋美國石油協會（「API」）等多項國際認證。此外，集團係中國首名成功研發出1,500米深海焊管嘅製造商，產品受到國內外一致認可，亦被廣泛應用於主要岸上同海底嘅石油同天然氣管道項目以及其他基建項目。
集團可製造海上工程使用嘅海底管，故此集團被劃入「十二五」規劃期間海洋工程裝備製造業企業，得到國家戰略性政策所提供嘅優惠同支持。公司業績亮麗，一一年盈利上升228%，而首季亦已接獲6.8萬噸新定單，息率1.85厘。繼續追蹤、出發！
香港大學電子金融服務榮譽助理教授 徐燦傑