港股昨日再跌103點，連跌六日是去年八月以來最長跌市，投資者信心真係唔使多講都知危危乎，兩萬關隨時失守。
隔晚道指埋單跌97點，跌幅收窄，港股照瀉，低見20,091點，主板成交525億元，即市高低波幅284點，牛熊證成交萎縮至67.07億元，按日跌2.6%，再有24隻牛證被強制收回，當中21隻是恒指牛證，牛仔被殺到四腳朝天。不過，恒指由五月二日高位21,385點殺落1,300點，14日RSI跌至38水平，技術短線超賣，純睇技術自然再落注，買牛證博彈的短線走位始終是正路。
周三的恒指牛證總街貨超過41億份，熊證總街貨只有22億份，牛證街貨足足多出熊證八成半，反映不少淡友平倉食胡，部分轉軚揸牛走一轉。恒指Call輪及牛證好倉周三錄得5,728萬元資金流入，過去五日流入量增至3億元以上，周三淡倉錄得2,169萬元資金流出。
中國聯通（00762）劈價令股價短暫震盪後，昨受三網融合推進的消息刺激而企穩，中電信（00728）及中移（00941）都逆市上升。中移股價創○八年八月新高後，橫行靠穩。動盪市況中，中移既有息收，又有相對穩定現金流，資金泊入避風塘，破90元的機會好高，輕微價外Call不妨細心揀。
經濟復甦路受挫，油價再跌，內地更下調成品油價，油股當然「齊齊低頭」。不過，地緣政治升溫，油價低位反彈的機會亦在提高，中海油（00883）跌至15元邊應有一定支持，可留意中期價外輪。海油法巴購（14077）今年十月三日到期，行使價16.28元，實際槓桿9.4倍，引伸波幅33.6%。
Handsome哥