呢排日日車出車入，都見到環保相關嘅廣告。喺「為環保出一分力」嘅口號之下，環保公司嘅業務真係做極都唔停，大家話係咪？光大國際（00257）絕對係正宗嘅環保股！集團負責建造、營運環保水務項目、環保能源項目、新能源項目、環保科技及工程管理、收費橋樑營運、物業投資及投資控股等等。
光國能夠咩項目都有一樣，絕對係環保嘅先驅！國家「十二五」規劃出台，見到相繼推出嘅「七大戰略性新興產業」政策，不斷提出「節能減排」呢個觀點，就知道為減輕中國工廠製造出嚟嘅污染，未來祖國會加大力度推行環保。集團係早幾年已經將業務轉型，不斷投資喺環保、新能源領域，認真有先見之明。
集團嘅成績有目共睹，盈利持續保持增長，同時間，集團嘅投資眼光獨到，所投資嘅營運項目都運行穩定，而且品質上不斷提高。好多項目例如垃圾處理量、發電量、污水處理量都不斷創出新高。此外，集團亦不斷開啟新動力，包括喺鎮江建成同投運嘅自主研發爐排爐、自控系統嘅垃圾發電項目等等，全部都屬業界有名嘅項目。
環保同新能源行業仍然係高速發展嘅行業，而集團亦睇準機會，不斷開拓國內外市場，相信未來前景亮麗！集團業績靚，盈利上升30%，市盈率16.7倍。繼續追蹤、出發！