聯絡感情 魚翅免問
其實依家唔少機構設宴請食飯，都避免請人食魚翅，結婚擺酒，魚翅都可免則免。證監會響應環保，絲絲舉腳贊成。
講番個周年晚會，其實都係畀個機會證監會員工上下聚首一堂，聯絡吓感情，實在唔使「豪華」到要去五星級酒店度搞。
況且證監會鍾意喺傳統嘅中式大酒樓搞，即係仲有「金龍金鳳」設計嗰啲呢！對於有唔少員工係「鬼佬」嘅證監會嚟講，仲多咗一番風味！
絲絲仲聽聞，證監會周年晚宴唔興搞抽獎，總之就盡量簡樸，實而不華！
不過，記得早前立法會傾證監會財政預算案時，啲議員就狂轟，證監會錢多，驚佢哋變咗大花筒，又請人、又話搬辦公室。今次之後，唔知班議員會唔會改觀呢呵？
余絲韻