歐元區勢陷溫和衰退
法國總統大選啱啱進行完首輪投票，不過奧朗德同薩爾科齊都攞唔到半數投票，要進入第二輪角逐。法國係歐元區第二大經濟體，政局發展當然影響着經濟趨勢啦，如果奧朗德當選，分分鐘令歐債危機解決進度節外生枝！
Franz Wenzel喺公司負責制訂投資策略及建議，睇晒環球嘅經濟趨勢，佢話今年歐元區會陷入溫和衰退，但各地情況有別，最睇好德國前景。佢講明，雖然自己係德國人，但無偏幫o架，係因為德國嘅經濟表現較好。咁樣講法，絲絲都係跟Franz學番幾句德文，到時要去德國搵食，都可以講番句「Guten Tag,freut mich」（你好，很高興認識你）。