新華保險（01336）係中國其中一間大型壽險公司，分銷網絡遍布全國，華保是一間務實嘅壽險公司，專注自己老本行─壽險業務。集團非常着重自己嘅顧客，不斷加大力度發展現有業務，策略上以本業去帶動公司嘅穩定增長。公司近年市場份額不斷提升，令佢成為市場內其中一間富有名聲嘅壽險企業。
集團其中一個賣點，就係二○一一年新成立嘅「共享服務中心」。共享服務中心係個一新嘅銷售形式，令運作流程更有系統，可以將保險產品更深入同透徹咁推廣到合適客戶身上。持續推動保險業務增長嘅策略，令市場份額進一步達至9.92%，穩固行業三甲地位。
大家都知道，保險公司靠口碑，加上公司銳意改革，進步甚速。近年其業務結構更有效率，產品質素同經營團隊都獲得提升！隨着公司呢幾年結構更為優化，保監會對佢開設及投資渠道等方面限制得以放鬆，令佢能更快發展新業務，潛力無限。繼續追蹤、出發！