絲絲講場:李思廉減持富力 送畀乖女

過咗農曆新年之後,內地樓市出現咗小陽春,睇到唔少內房股三月賣樓成績都唔錯,近排內房股啲股價都上番唔少,內房似乎有回春嘅迹象,點知轉過頭聯交所嘅披露權益(SDI)資料就顯示,富力地產(02777)老闆李思廉,喺上個星期三(11日)就喺場外減持1,000萬股,每股作價9.99元,涉及9,990萬元。

千萬股份場外轉手

查實內房老闆一直都好支持自己嘅公司,早期股價太低更係頻頻增持,減持都係好少見,絲絲就好好奇,富力股價又唔係升好多,而且一向派息都幾好,點解要減持。絲絲八到,原來今次李總減持,係將啲股份送畀佢個女做禮物o架,嘩!估唔到李總對股東慷慨之餘,對個女仲咁大手筆,真係廿四孝daddy!

只不過大拿拿「減持」成億貨,仲係李總喺富力地產上市以嚟嘅第一次「減持」,係人見到都驚喇,所以尋日富力開市無耐即時跌咗成6%,後來先定番啲,不過,睇番李總將啲富力股份都送畀下一代,相信都唔會睇得太差啦!

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!