市場競爭激烈，各發卡商要抓緊市場脈搏先可以脫穎而出，滙豐香港區零售銀行及財富管理業務主管施穎茵就話，該行必須要用心聆聽消費者嘅需要，不斷提升其信用卡服務同獎賞種類，如獨家禮遇、非凡獎賞等。
信用卡種類繁多，各有賣點。絲絲覺得有趣嘅係，亞洲各地持卡人對信用卡賣點嘅要求係南轅北轍，半數嘅印尼受訪者着重信用卡可否全球通行，而本港只有2%受訪者有此看法。
月簽5694元 亞洲第三
此外，本港嘅信用卡持有人嘅消費力喺亞洲區都唔弱，居第三位，每人每月嘅平均簽帳額達5,694元，較上年多咗14%。銀行有咁多信用卡簽帳獎賞，港人當然會愈碌愈多啦。