仍係日日做到冇停手！依家日日收發電郵，不停上網睇報告，網絡世界真係難以想像咁方便！好似騰訊（00700）等公司都已經佔據晒市場；反而三四隻零零丁丁嘅網絡股，如轉型成功，亦會有發揮潛能嘅空間！
TOM集團（02383）業務幾廣泛：提供無線互聯網服務、網上廣告、商務企業解決方案同埋互聯網接入服務；透過互聯網交易平台進行商品銷售；出版雜誌及書籍、印刷媒體嘅廣告銷售同埋其他相關產品銷售；戶外媒體資產嘅廣告銷售同埋提供戶外媒體服務；衞星電視頻道業務嘅廣告銷售，廣播節目製作及媒體銷售，活動製作及市場推廣服務。
集團近年銳意專注財務同營運表現，不斷投資研發，推出創新產品同服務。針對電子商貿、電子出版同其他數位業務領域，集團已經投資咗唔少，只等收成！只要經濟環境復甦，各項業務喺未來幾年隨時脫穎而出。
集團近排先獲批台灣電視牌照，配合公司屬下嘅台灣雜誌，將會不斷推出大眾化節目。呢種業務只要曝光率一夠，隨時一本萬利！同時間，公司亦聯同中國郵政合作推出「郵樂網」，貨品交易總額潛力激發，一一年迅速成長近3倍，至2.4億元人民幣，上線用戶達100萬人以上。集團早幾年已經投資好多，只等時機一到，就揚帆出海！繼續追蹤、出發！
香港大學電子金融服務榮譽助理教授 徐燦傑