絲絲講場：香港工業史 漫畫助活化

漫畫大師馬Sir監製

絲絲雖然唔係成日睇漫畫，但一睇《力創驕陽》嘅封面，就覺得唔係馬Sir嘅畫風，原來馬Sir今次嘅角色係做監製，由黃水斌同埋夏偉義兩位主筆去畫。成個故事由生產力局同埋馬Sir嘅公司一齊構思，內容係講一個喺六十年代初嚟到香港嘅新移民葉添嘅奮鬥過程，講出咗香港嘅工業歷史，當然亦會穿插生產力局喺當中嘅支援角色。

生產力促進局總裁麥鄧碧儀就話，希望通過漫畫媒體，以生動活潑嘅方式，令年輕人認識香港工業嘅過去、現在同埋將來。藉住主人翁不屈不撓嘅香港精神，希望能感染新一代積極面對人生挑戰。