一講起業務獨特嘅股份，大家都會眼前一亮！唔單止大家，業務獨特嘅股份亦容易令基金經理注意！
達進精電（00515）主要生產同買賣多類LED照明同PCB產品，包括單面PCB、雙面PCB以及多至12層嘅多層PCB。PCB係乜？PCB係重要電子部件，係電子元器件嘅支撐，適用於好多電器產品。
截至去年六月底止半年業績，集團嘅PCB產品主要用於電子消費品當中，佔營業額比例最高，約37%。雙面PCB增長快速，單面PCB增長水平亦不相伯仲，而多層PCB就輕微下降。多層PCB產品未能打出新天地，主要原因係全球需求減少，及日本地震令供應鏈中斷引致。未來幾年，相信呢種產品會出現新趨勢！
LED照明業務有着相當優勢；集團計劃倚重LED照明業務嘅增長趨勢，作為集團嘅主要增長動力。同時，集團會繼續維持PCB業務嘅穩定營運。經過一番努力，集團獲得大量嘅LED路燈合約，由呢點開始繼續擴充自己嘅市佔率。
未來幾年，集團仍會繼續鞏固自己嘅銷售網路同資本資源管理系統，以呢一點作為根基，先可以有實力把握各種市場機會，大家話係咪？只要集團繼續同各省政府合作，不斷獲得中國一線同二線城市大型合約，自然就係步步高昇！現價市盈率17倍左右，息率1厘！繼續追蹤、出發！