風靡全球嘅七人欖球賽又嚟到香港喇！不過七人欖球賽同投資有咩關係？贊助賽事嘅滙豐出咗份報告同七人欖球賽「crossover」，非常過癮。
投資報告開首介紹七種研究同分析方法，報告不時加插七人欖球賽嘅資訊，呢種軟硬推廣嘅手法令絲絲眼界大開。更過癮嘅係好幾位分析員，仲出賣色相添，佢哋將員工嘅頭同欖球運動員打緊波嘅相合成，其中第19頁係環球證券策略主管魏宏兆，而第二十一頁係經濟研究亞太區聯席主管范力民。
話晒滙豐係外資公司，創意無限不在話，滙豐仲好識得搞活員工做嘢嘅地方。絲絲近日去過滙豐總部，真係「嘩嘩聲」呀！佢哋嘅辦公室掛咗好多七人欖球賽嘅波衫，氣氛大好。