近排祖國見之前揸得太緊，喺上個月開始放番少少水出街！Prof. J就諗起國家嘅大水喉，就係我哋嘅內銀股，喺咁嘅情況下，一定能夠將業務做大，大家話係咪？不過，內銀股入面，要搵到優厚發展潛力同資產質素較好嘅股份，就要多花功夫！再加上業績期，大家真係要加多兩錢肉緊睇實！
建設銀行（00939）主要業務係公司銀行業務、個人銀行業務、投資、以及海外業務在內嘅其他業務等等。二○一○年，建行嘅公司銀行業務稅前利潤增長8.33%，係集團嘅主要盈利來源。
由於該行的公司類貸款增加，利息淨收入亦增加8.98%，加上單位結算、理財產品、電子銀行等業務嘅快速發展，手續費同埋佣金淨收入高速增長，達43.65%。建行業務保持較快發展，市場拓展力度亦不斷加大，前景秀麗。
建行嘅主力係公司類貸款，當然要收放自如！集團喺公司類貸款方面，落咗唔少力去改善管理質素，令貸款質量提升。建行同時亦配合國策，重點保障小企業、網絡銀行貸款等等戰略業務需要，做着國家生意，前途無量！
睇番數據，建行去年首三季純利為1,390億元人民幣，按年增長25.8%，市盈率9.8倍，息率約3.9厘！繼續追蹤、出發！