做人但求生活安穩，但點至叫做安穩呢？AXA安盛尋日公布「AXA安盛生活指數」調查結果，反映港人生活素質嘅安盛生活指數只得63分。嘩，63分咁少？AXA安盛首席市務及策略總監黃瑞雯（Andrea）解釋：「由於係第一年進行調查，所以無話50分就係分界線，但今次結果亦可見港人喺追求『安穩』及『豐盛』生活嘅力度仍有不足。」
另調查結果亦顯示，有兩成受訪者表示要實現安穩生活，就需要中位數800萬元總資產，而有一成七受訪者則覺得要有1,000萬元先可以享有豐盛生活。Andrea又話，由於港人嘅儲蓄習慣偏向保守，所以有少於三分之一嘅受訪者表示會搵理財專家幫佢哋增值資產。而是次市場調查主要訪問咗500位年齡介乎18至54歲嘅中高收入人士。
AXA安盛首席市務及策略總監黃瑞雯指，透過「AXA安盛生活指數」調查結果，可得知港人對「安穩」及「豐盛」生活的睇法。