身體差咗 決心運動
原來Simon有個感人嘅單車故事，早年佢為咗做運動，買咗架單車放響大圍一間單車舖，諗住定時踩番兩轉，點知間舖突然執咗笠，Simon就同佢架寶貝單車失散咗，受到「打擊」之後就放棄咗踩單車。
唔知係咪冇踩單車好耐，近排Simon自覺身體差咗，終於的起心肝用9,999蚊，買番架新單車，逼自己每個周末去踩車，望吓啲綠色植物，呼吸吓新鮮空氣。
輕裝上陣 順便睇書
Simon笑住話，到時只會帶樽水同一本書，輕裝上陣，由大圍踩去大埔，中途停吓睇吓小說散文，成個文藝青年咁款。如果係Simon粉絲，有嘢諗唔通，想搵Simon指點迷津，不妨周末去沙田大圍撞吓佢，佢話傾偈無任歡迎。
余絲韻