其實絲絲近年都曾聽啲投行老友「呻」，話依家啲上市「刁」愈嚟愈難做，一來係費用不斷被壓低，facebook就係其中經典個案，其次就係中資投行被「欽點」參與嘅情況愈嚟愈普遍；大家都渴望市面上有多啲唔同種類嘅「買賣」，以「數量彌補質量」囉。
賓卡搵生意全靠「關係」
話時話，遇着好似嘉能可呢種「大刁」，好多時唔係想做就有得做，好多被點名嘅賓卡，都可能係以前幫過嘉能可好多次，又一直keep住「良好」關係，先至搵到呢一個「可能連續通頂幾個禮拜」嘅「養家機會」。所以就算平時好似搵鼻窿望人嘅投行賓卡，有時都會有人所不知嘅「苦況」嘅。