新一年，依然係日做夜做冇停手，工作仲更加繁重！不過，就同好多重量級人士學咗更多野，非常充實！依家美國經濟有復甦迹象，不妨留意一下航運股，除時有意外驚喜！
太平洋航運（02343）主要提供國際乾散貨同滾裝貨船航運服務，以及能源基建服務。集團擁有自身貨船以及租賃貨船，依照經濟情況調校比重。同時，鑑於依家全球經濟環境波動，集團近年亦不斷透過庫務管理，調校自己嘅現金同存款，以及對外嘅投資。
太航早前受部分航運公司上調運費刺激而炒上，現處整固階段，睇番數據，太航昨日收報3.77元，市盈率約9倍，唔算貴，息率有5.97厘。
另外，介紹多隻冷門股太平洋恩利（01174）。集團係著名嘅捕撈同魚粉加工廠商，亦有自身營運漁船以及環球採購、岸上加工、國際分銷多種冷凍海產、漁船燃料買賣，以及提供船務代理服務。大家諗吓，今時今日海鮮海產咁多人幫襯，海產業務嘅需求潛力十分大！
另外，集團透過直接或間接投資，利用聯營公司優化自己嘅加工同冷凍魚類產品買賣業務。另外，集團已發展出自己嘅捕撈部門，透過新加坡上巿附屬公司中漁集團經營，已經成為集團嘅主要收入來源，不斷為集團貢獻盈利，值得望多兩眼！
香港大學電子金融服務榮譽助理教授 徐燦傑