假期同女友過泰國叉電
Benjamin同絲絲講，為咗叉足電迎接新職務，平時好少去旅行嘅佢，都喺農曆新年假期時同女朋友過咗去泰國玩番幾日。絲絲記得舊年泰國發生嚴重水災，會唔會影響行程呀？Benjamin話當地已經回復舊觀，一啲都見唔到水浸嘅痕迹，佢仲講笑咁話，當地旅客數量應該已經回升番晒，因為佢喺曼谷塞車塞咗幾個鐘，可見當地幾咁熱鬧。
數數手指，Benjamin真係差唔多年年「步步高陞」，一○年底先升做首席退休及中介人銷售總監，話咁快又再升職。接下來佢除咗會負責強積金同僱員福利外，仲會睇埋直接銷售渠道。