估唔中內房交投向上
話說孔總講起當年佢好勤力咁考入咗哈爾濱工程大學，由於佢讀嘅係建築系，當時班入面就有成廿幾個男仔，但係只有「五朵金花」，所以非常搶手，結果五個女仔好快就名花有主，孔總當然係其中一個幸運兒，呢朵金花就係佢依家嘅太太。所以佢講笑咁話，如果係男仔，可以考慮揀入文科，而女仔就可以揀入理科，自然選擇又多啲，又受歡迎啲啦！
不過，孔總就唔係樣樣嘢都睇得準，好似上年內地樓市嘅成交量仍然上升，就令佢「跌晒眼鏡」，所以當有老友問佢今年樓市係唔係已經到咗谷底，佢就話自己唔係黃大仙，仲講笑咁話如果大家想知嘅可以去隔籬（大嶼山大佛）求支籤問下喎！