喺全世界印銀紙嘅環境下，大家都驚通脹嘅來臨，所以Prof.J周不時都會搵堆抗通脹股出嚟。五礦建設（00230）主要業務係房地產發展同管理，以及專業建築及物業投資。集團一○年度嘅房地產業務增長動力唔錯，集團係中國五礦集團喺香港嘅房地產上市旗艦。中國五礦喺一○年時業務重組，令五礦建設得益不少！
首先，公司嘅房地產發展項目擴展到內地更多省市，同時間亦建築起一個更成熟同高效率嘅經營平台，打響咗「五礦地產」呢一個品牌。集團同時間不斷深化財務預算、成本控制等方面，令整體營運效率同管理系統獲得一次性嘅提高。集團未起好樓時，已先進行預售同交付，預售成績又超預期；集團亦成功控制成本同改善產品組合，擴大自己嘅利潤。依家集團嘅兩大核心業務包括專業建築同物業投資，都令業績有所進展。
集團喺房地產發展上已建立一定競爭力，呢幾年都成功捕捉到行業周期，亦將自己項目規劃、設計及執行、營銷，及物業管理服務等範疇嘅質素提升。集團依家擁有充裕嘅財務資源，現時環境正好有助日後擴張計劃，為內地房地產發展業務做好準備。同期間，集團仍不斷深化其他業務經營分部嘅發展，相信會成為內地一間優質房地產公司。集團現價市盈率4倍多，繼續追蹤、出發！
香港大學電子金融服務榮譽助理教授徐燦傑