絲絲講場：陳九霖堅持「三不碰」
曾擔任中航油（新加坡）執行董事兼總裁嘅陳九霖（之前叫陳久霖），因為替公司創造神話──淨資產幾年間增加852倍，市值增5,000倍，跟住公司炒燶期油，佢自己被新加坡監管機構入罪而「揚名」。事隔幾年，佢已經有好大轉變，攞到清華大學博士學位和獨董資格。
陳九霖離開新加坡嘅監獄，返去內地至今已經整整三年，佢尋日喺微博上感慨發言，透露啱啱攞到博士學位同獨董資格，並堅持「不吐露中航油事件內幕」等三個不碰原則。已經51歲嘅陳九霖喺微博中表示，回國以來做咗三件事：安撫家人並鍛煉了身體；恢復公職並做好了分管工作；取得博士學位和獨董資格並提升了知識。堅持了三個不碰：不提政治敏感話題、不講體制內事項、不吐露中國航油事件內幕。
獲獨董資格 大把出路
早前有報道話，陳九霖回國後，好多企業和朋友力邀佢加盟，出任高層管理人員。依家獲得獨立董事任職資格，大可以喺內地上市公司中搵到新嘅出路。