Prof..J預先祝賀大家新年發財！賺個盆滿缽滿！新一年股場新氣象，又係時候發掘有潛質嘅股份！今時今日，化妝護膚差唔多可以話係女士們嘅必需品，大家行街時絕對可以見到周圍都係呢類型嘅店舖。化妝護膚有一樣特性，無論天南地北，都會有女士幫襯，大家同意唔同意？
奧思集團（01161）業務遍布香港、澳門、台灣、中國內地以及新加坡，主要業務係分銷~H2O+品牌護膚品、喺中國內地分銷伊夫黎雪品牌護膚品、喺香港分銷Erno Laszlo品牌護膚品、喺香港分銷Glycel品牌護膚品同喺內地分銷JM Makeup品牌化妝品。能夠涉獵咁多品牌，直情係老行尊啦！
集團同時有附屬公司，喺香港以「水之屋」、「水磨坊」、「水纖屋」、「Oasis Homme」及「奧思醫學美容中心」品牌經營水療同美容中心，順便銷售埋自己堆護膚品，完全係一站式嘅專業美容服務。
集團嘅其中一隻品牌~H2O+，大家都耳熟能詳啦，係咪？Prof. J就曾經喺銅鑼灣睇過呢隻產品，真係唔錯！呢集品牌正正係集團嘅主要收入來源！點解係銅鑼灣？因為集團將自己嘅主力產品全部集中喺人流多嘅商場，可以幫到集團更有效咁運用成本！
睇番數據，集團息率有7厘，市盈率14.17倍，勝在便宜。繼續追蹤、出發！