誓做美PC市場三大
據調研機構IDC同Gartner嘅統計，以不計平板電腦嘅PC市場計，蘋果公司單靠Mac機已經係美國第三大PC品牌，聯想誓言要打入美國PC市場三大之列，要挑戰巨人嘅決心已盡在不言中。
楊元慶最近去咗美國CES消費電子展，佢話集團喺CES公開一系列PC、智能手機、平板電腦，又會全面開展雲計算戰略，更搶先於蘋果公司，發布本身嘅智能電視產品，就係要維持聯想嘅快速增長勢頭，配合公司要成為全球PC一哥嘅目標。
喺部分人眼中，聯想係越級挑戰，不過楊元慶好有信心，佢話聯想嘅「樂PhoneS2」好用之餘，售價仲只係蘋果公司同類產品嘅一半添。
余絲韻