港股上周五受外圍氣氛轉差的影響而低開，收市跌220點，全周計仍錄得159點的累積升幅。
市場短炒成風，上周五恒指淡倉單日錄得9,731萬元資金淨流出，好倉就見到5,922萬元的資金淨流入，當日高低波幅增加至278點，即日食胡已有相當甜頭，資金輕微轉向。
參考截至上周四止的牛熊街貨，就發現兩者當日的總街貨均超過24億份，相當於四千四百多張對沖期指，睇好及睇淡者勢均力敵，反映散戶對後市沒有一面倒的睇法。
總結上周，滬綜指連跌九周，技術上呈超賣，只是近周以來A股一直是超賣之下再超賣，股民買到心淡。
部分再捱不下去的投資者已紛紛離場，但上周五收市升14點，再跌的空間小無可小，相信中央實際已逐步微調政策，大家不妨加多一點耐性，買A股CALL，值博率不低，當中可留意A中瑞銀購（13950）今年八月一日到期，行使價10.88元，實際槓桿6.7倍，引伸波幅約30%。