絲絲講場：郭台銘陳峰斟新財路

鴻海投資出手夠晒豪

郭台銘去海南係受陳峰嘅邀約，佢仲一口氣帶咗公司十幾個高層去海口展開考察。其實富士康同海航喺物流、電子商城同飛機等業務一向有啲合作，鴻海喺巴西有投資，而零件就喺大陸生產。郭台銘話，只要海航開通海南經南非到巴西嘅新航線，旗下富士康就會搵海航幫手運貨。

由郭台銘領軍嘅鴻海集團，係發展中國家眼中嘅「金雞」，好多時鴻海一出手就係幾十億嘅投資。咁係咪揀中海南搞大嚟做呢？可能仲要再斟吓，事關海南冇乜產業配套，連粒螺絲都由第二度運嚟。

但海南嘅免稅品特許經營權就好吸引郭台銘，公司旗下嘅賽博近年力拓營銷渠道，如果喺海南開店設點，以海南對旅客嘅強勁吸引力，一定能夠省靚塊招牌啫。