絲絲講場：內地勞斯萊斯買家超美 冠全球

富二代成為最大客源

舊年中國就超越美國，成為指數排名世界第一嘅國家。來年係龍年，生產商為咗向中國呢個大客致敬，即將推出一個「龍年」系列車型，係車入面嘅皮枕會人手繡上龍形圖案，太浮誇？見仁見智啦，不過標價就認真誇張喇，開價逾千二萬港元，但中國人一向鍾意炫富，相信不少富戶都樂於買嚟顯示一下自己有幾多財富。

據絲絲所知，一架最基本配置的勞斯萊斯盛惠24.5萬美元，接近200萬港元一部。至於咩人最鍾意買呢類豪華房車？

賓利

放大圖片

根據從事奢侈品業務嘅耀萊集團所講，佢哋唔少客人都係非常年輕嘅超級富豪，一係由父母送，唔係就繼承遺產，都唔係靠自己創業賺返嚟，咪即係內地好興講嘅「富二代」？

大款掃賓利贏英買家

另一個英國名牌汽車賓利，舊年中國銷量倍增至1,839部，亦都係史上首次超越英國，直追美國。令絲絲諗起《金融時報》一篇報道話，喺日本馬路上，好少見到大排量嘅豪華房車，反而一啲小型環保車就經常出現，反映日本人買車首要考慮係安全節能同環保，唔會再用汽車嚟判斷人嘅成就。絲絲就覺得，富在心中就足夠啦，太過招搖炫富反而會令人討厭。