上月105高管辭職
內地嘅證券日報做咗個統計，滬、深兩個股市呢個月已經披露咗約80份上市公司高管辭職嘅公告。如果按照呢個速度發展，十二月極有可能刷新十一月時滬深兩市94家公司105位高管「閃人」嘅紀錄，即係話，平均每日有近4名高管辭職。
再仔細分析，深圳證券交易所嘅上市公司高管辭職，明顯多過上海證券交易所，原因可能同十一月時眾多高管辭職相同。當時有市場人士分析，高管辭職或與公司借殼或業務轉型有關。
或為迴避法律限制
絲絲就想出另一個原因，可能係為咗迴避相關法律法規嘅限制，有啲高管好可能以辭職嘅方式，為未來減持套現做準備，呢種情況最常見喺創業板、中小板公司出現。