藍籌屋苑聖誕Big Sale
藍籌屋苑樓價高企，令不少買家望門興嘆，其實樓價於近數月已連番下挫，部分藍籌屋苑樓價累積跌幅已高逾一成，加上市場普遍認為，樓市於農曆新年前難望有起色，促使個別業主寧願於年關前割價沽貨，有意躋身業主行列的準買家，大可趁淡市玩尋寶遊戲，在聖誕假期出外睇樓，尋覓心水藍籌屋苑筍盤。
政府壓抑樓市的措施於去年底推出，而住宅樓價在本年六月達高位後，終掉頭下挫，據利嘉閣研究部數據顯示，全港50個指標屋苑，剔除8個樓價不可作直接比較的屋苑後，現時有多達39個屋苑樓價較六月份高位下跌，比例高逾九成三，當中更有部分大型藍籌屋苑所錄得的跌幅超過一成，跑輸大市。
個別叫價劈百萬
為協助準買家作入市決定，今期《置業安居》搜查藍籌屋苑的平盤，發現一向受市場追捧的鰂魚涌康怡花園、大角咀港灣豪庭、九龍灣德福花園及荃灣綠楊新邨，均湧現不少減價盤，個別放盤叫價更較原來急降約百萬元。