《福布斯》評價極高
《福布斯》上年總共揀咗三個企業家做「中國年度商業人物」，包括騰訊嘅馬化騰、阿里巴巴馬雲同埋百度李彥宏，而今年係《福布斯》第一次只係選出一個代表人物，仲對柳傳志有好高嘅評價添。
評論話佢接手聯想集團（00992）嘅時候，市佔率由7%，大幅提升到13.5%，排名亦都由第四升到去第二位，成績相當驕人。聯想依家嘅最大目標，除咗問鼎個人電腦品牌全球第一外，肯定係要壓住蘋果公司嘅市場地位，不過，佢除咗上《福布斯》封面之外，日前仲拎埋有「中國經濟奧斯卡獎」之稱，央視「中國經濟年度人物」嘅終身成就獎，認真係喜上加喜！