社會通常係隱惡揚善，鍾意表揚優秀嘅人。張育軍就話，正面激勵係重要，但冇懲處機制，呢個市場就好難運行，佢建議傳媒頒發一個「最差獎」畀啲成績差嘅同業。
張育軍唔單只批評內地嘅基金對新股報價亂嚟，將市盈率訂到天咁高，簡直係害散戶。依家嘅新股發行機制，對控股股東同原始股東都太優待，係股市長期「熊長牛短」嘅重要原因。
早知股市長期冇回報
前嗰排就有投資者高喊投資二十年要慘蝕離場，張育軍忍唔住話，中證監首任主席劉鴻儒真係極其英明，佢一上任就訂落規矩，嚴禁證監系統嘅幹部炒股，呢條規定奉行廿年，仲要擴至證券從業員。「我話劉主席英明，佢又點知我哋嗰市會係長期冇回報呢？」