貝萊德最多人like
投票結果已經發表，按點擊率投票依次序排列嘅。絲絲最熟悉嘅就係滙控（00005）、渣打（02888）呢啲大行，但絲絲搵極都搵唔到滙控個名，原來滙控上唔到頭三十名。上榜嘅第一名係貝萊德，香港人好熟悉嘅渣打排名第五，都算係受歡迎嘅僱主，而花旗排名二十；另外，高盛就排第二十九，大摩第三十名。
絲絲對於渣打贏滙豐呢個結果唔感到意外，大家都知滙控仲炒緊人，淨係香港都要裁三千人，依家員工每日都帶住忐忑不安嘅心情返工，唔知幾時輪到自己，渣打員工嘅心情好好多，唔使震騰騰返工，早前仲加多咗產假畀員工，就算唔係大肚嘅員工，聽到呢個福利都開心架啦！