絲絲講場：意馬添食喜羊羊外闖
曾經拍過《忍者龜》同《阿童木》嘅意馬國際（00585）今年收購咗《喜羊羊與灰太狼》製作公司動漫火車之後，中期虧蝕即刻少咗九成，仲憑喜羊羊同迪士尼做咗partner，意馬仲諗住食住個勢，殺出海外，再搞埋手機apps添！
喜羊羊喺內地大受歡迎，執行董事蘇思偉話，喜羊羊卡通喺內地收視率cut一半都仲係排第一，喜羊羊定位較中性，無論男女同唔同年齡層嘅小朋友都可以通殺，加上羊呢種動物喺伊斯蘭國家冇宗教禁忌，要殺出海外市場完全冇難度！
誓告「老翻」 維護形象
受歡迎就自然引嚟翻版，喜羊羊都唔例外，蘇生就話，公司依家喺內地打緊五百幾單官司，就算賠償唔夠畀堂費都要打，因為要阻嚇啲翻版商人，保持品牌形象。
余詩韻