會計師公會一年一度嘅理事會成員選舉又快開鑼，將定於十二月十六日舉行，今屆理事會選舉提名已於今個禮拜二（二十二日）截咗止，共有14個人參與選舉，爭取7個席位。今年最特別嘅地方係，會計師公會由今年開始，首次舉辦理事會選舉論壇，已定於十二月二日舉行。
呢個選舉「擂台」到時會由會計師公會現任會長蔡永忠主持，每名候選人將會有5分鐘嘅發言機會，並且有10分鐘畀台下會員「質詢」。14名候選人中，初步已有12名應承咗會出席論壇。
會計師公會嘅會員如果想出席選舉「擂台」，就要先報名。由於座位有限，會採用先到先得。各位會員，想參與就要快啲趁早報名。
今年理事會選舉嘅焦點之一，就肯定係「一人一票選會長」呢個議題，雖然呢樣嘢，表面看似好合理公平，但實際上有好多技術問題要解決。
今次理事會選舉電子投票由十一月三十日至十二月十三日。參與重選嘅現任理事，包括2名現任副會長趙麗娟及Keith Pogson。除此之外，仲包括陳美寶、龔耀輝、丁偉銓等。
余絲韻