絲絲講場：傑富瑞傳發圍 狂向瑞銀挖角
明富環球（MF Global）宣布破產之後，除咗相關消息不斷被報道之外，仲令到持有大量歐債嘅華爾街中型投行傑富瑞（Jefferies）成為市場焦點。雖然之前佢哋已經宣布減持咗近半嘅歐債，但係都仍然有消息傳出話佢哋會cut香港嘅業務，仲可能會炒人添！但係絲絲尋日就八到另一單料唔係咁講法喎！
兩個月挖走7個banker
有消息人士同絲絲講，話傑富瑞自從喺瑞銀挖走咗Ren Wang做佢哋亞洲區總裁之後，呢兩個月喺香港挖走咗至少七個瑞銀嘅banker，當中包括佢哋兩個執董Ronald Tam同Dai Qiang，就會去傑富瑞做董事總經理，下個月頭就會返工，至於其餘5個banker嘅grade，就由高級副總裁至到分析師都有。
Ronald Tam據聞仲會做埋亞洲企業融資部阿頭，其實佢同埋Dai Qiang一直喺瑞銀都係搞上市嘅，比較近嘅就有今年三月尾上市嘅遠東宏信（03360），傑富瑞之前喺美國一直都係齋搞債券嘅，嚟到香港就做埋股票，睇嚟佢哋依家仲想做埋IPO喎！