優質嘅建築物除咗講究實用之外，觀感、藝術感亦都好緊要。尋日有個選舉，多多少少反映香港嘅發展商起嘅建築物質素有番咁上下。
「亞洲國際房地產大獎2011」（MIPIM Asia）得獎結果揭盅，新地（00016）九龍站環球貿易廣場（ICC）成功為港爭光，勇奪「最佳商務中心」金獎殊榮。呢個建築唔使絲絲介紹，樓高118層，香港大部分地區都可以望到，係香港「Icon」物業之一，佢哋提供約250萬方呎甲級寫字樓，配合完善鐵路網絡，得獎可謂實至名歸。
長實（00001）有份發展嘅新加坡濱海灣金融中心亦都囊括兩項大獎，包括「最佳多用途建築」及「MIPIM Asia參加者之選大獎」。
余絲韻